2016 жылдың 16 желтоқсанында - Қазақстан Республикасы Тәуелсіздігінің 25 жылдық мерейтойы. Бұл мемлекетіміз бен халқымыз үшін ең басты әрі құнды мереке болмақ. Тәуелсіз еліміз ширек ғасырға жуық уақыт ішінде қаржы дағдарыстарының қиындықтарына қарсы тұра білді, тұрақты даму жолына түсіп, биік белестерді бағындырды, толағай жетістіктерге қол жеткізді, әлемдегі бәсекеге қабілетті 50 елдің қатарына енді. Мемлекет басшысының елді дамытудағы стратегиялық бағдарламалары мерзімінен бұрын жүзеге асып келеді. vahta Осы кезең ішінде не тындырдық? 25 жылда жеткен жетістіктеріміз қандай? Биыл осы сұрақтарға жауап беретін, өткен жылдарға қорытынды жасап, Мәңгілік Ел болуға бекінген мемлекетіміздің бүгіні мен келешегі туралы ой толғайтын еліміздің есепті жылы десек, қателеспейміз. Бүгін Орал қаласынан ІІІ халықаралық «Естелік вахтасы» автошеруі бастау алды. Билығы жорық Жеңістің 71 жылдығы мен Тәуелсіздігіміздің 25 жылдық мерейтойына арналды. Сапарға орай Мәншүк Мәметова атындағы мемориалдық музейде салтанатты шара ұйымдастырылып, жұртшылық автошеру делегациясына сәттілік тіледі. Дәстүрлі автошеру осымен үшінші рет сапарға аттанбақ. Мақсат – қазақтың қаһарман қыздары Мәншүк Мәметова мен Әлия Молдағұлованың және 100-ші, 101-ші атқыштар бригадасы жауынгерлерінің майданда жүріп өткен жерінде болып, Псков, Ржев түбінде қаза тапқан боздақтар зиратына тағзым ету. Автошеру өкілдерінің  құрамында 9 адам бар. Атап айтқанда, Мәншүк Мәметова атындағы мемориалдық музейдің директоры, ауған соғысының ардагері, студенттерден құралған «Іздеу» патриоттық жасағының мүшелері, қыздар арасындағы мергендер чемпионатының жеңімпазы мен БАҚ өкілі. Қазақстандық делегация Невель, Великие Луки, Новосокольники, Ржев,  қалаларында болып, қиян-кескі ұрыс орындарын көріп қайтады. Сондай-ақ халықаралық конференцияға қатысып, Отанымыздың Жеңіске қосқан үлесі жайлы баяндама оқиды. Бүгін Мәншүк Мәметова атындағы мемориалдық музей ауласынан бастау алған автошеру14 мамырда аяқталмақ. Музей директоры әрі жоба жетекшісіСветлана БЕКТЕНОВАНЫҢ айтуынша, биылғы жорыққа Орал ақпараттық технологиялар колледжінің «Іздеу» деп аталатын патриоттық жасақ тобы қосылған. - Әуелі бірден Мәншүк Мәметованың қаза тапқан жеріне барамыз. Яғни Невель қаласына. Ол жерде 7 мамырда боламыз. Жеңіс шеруіне қатысамыз деген жоспарымыз бар. Қазақстандық жауынгерлердің табылған сүйегі қайта жерленетін рәсімге де қатысамыз. Әлия Молдағұлова жерленген новосокольникиге де барамыз, - дейді Светлана Саржанқызы.   Арман Курманалиев