12 наурызда Алматыда таңғы алтыдан 15 минут кеткенде жер сілкінісі тіркеліпті. Сейсмологиялық байқау және зерттеулер ұлттық ғылыми орталығы таратқан ақпарға сүйенсек, жер сілкінісінің ошағы Өзбекстан Республикасында екен. Ол Алматы қаласынан оңтүстік-батысқа қарай 648 шақырым қашықтықта, ал Түркістан облысына қарасты Келес ауданы, Абай ауылынан 16 километрде орналасқан. Жер асты дүмпуінің қуаты Келес ауданының Абай ауылы мен Сарыағаш ауданына қарасты, Сарыағаш шаһарында 3 баллды құрады.
Жер сілкінісінен зардап шеккендер мен қираған ғимараттар жоқ.
